آپ حضرت مولانا محمد الیاس صاحب مہتمم جامعہ ہذا کے چھوٹے بھائی ہیں۔ مدرسہ اشرف الامداد کامینڈہ سے آپ نے تعلیم کا آغاز کیا ۔ تکمیل حفظ قرآن کریم کے بعد عربی درجات میں تعلیم جاری رکھی ، درجہ شرحِ جامی تک یہیں رہے ، اس کے بعد مدرسہ قاسم العلوم نیازیہ نوح میں داخلہ لیا اور مختصر المعانی (عربی پنجم )کی کتابیں پڑھیں، درجہ مشکوٰۃ اور دورہ حدیث شریف مدرسہ امینیہ کشمیری گیٹ دہلی سے پڑھا اور ۱۹۹۲ میں فراغت حاصل کی ۔ فراغت کے بعد اپنے برادر گرامی قدر کے پاس جھمراوٹ آگیے، یہاں معدن العلوم کا آغاز ہو رہا تھا تو بڑے بھائی نے آپ کو مدرسے میں مدرسِ اول کے طور پر طے فرما دیا، آپ یہاں مدرس بھی تھے اور نگران بھی کیونکہ اب تک حضرت مولانا محمد الیاس صاحب قصبہ جھمراوٹ کی امامت سے وابستہ تھے اور وہیں رہائش تھی ، مدرسے میں صرف آپ اقامت پذیر تھے، آپ نے یہاں ناظرہ دینیات اور عربی درجات سب کچھ پڑھایا اور آج تک پڑھا رہے ہیں، الحمدللہ آپ سے مشکوٰۃ المصابیح ، ثفسیر جلالین شریف ، ترجمہ قرآن کریم ، حسامی اور شرح وقایہ جیسی بڑی اور اہم کتابیں متعلق ہیں، آپ کی دلچسپیاں اصول فقہ سے جڑی ہوئی ہیں ۔ اساتذہ میں آپ کی جامعہ سے وابستگی سب سے قدیم ہے۔ آپ جامعہ میں صدر المدرسین کے عظیم منصب پر فائز ہیں جو کہ آپ اپ ہی کا حق ہے۔