گھر کے مکتب میں تعلیم کی ابتداء کی جبکہ ناظرہ اور حفظ قرآن کریم مدرسہ تعلیم القرآن ،سیکٹر 3 دہلی میں تکمیل کی ۔ اس کے بعد اپنے برادر اکبر کے ساتھ مدرسہ تجوید القرآن سورت گجرات پہنچ گیے جہاں آپ نے فارسی پڑھی ۔ یہاں سے جامعہ قاسمیہ کھروڈ گجرات میں داخلہ لے لیا اور عربی اور سے دورۂ حدیث شریف تک تعلیم یہیں حاصل کی ، ۲۰۱۲ء تحصیل علم سے فراغت کا سال ہے۔ فراغت کے بعد ،ایک سال تبلیغی جماعت میں لگایا، اس کے بعد معدن العلوم جھمراوٹ میں تدریس سے وابستہ ہوگیے ، یہاں آپ کا تقرر درجہ تحفیظ القرآن استاذ کے طور پر ہوا تھا اور کئی سال آپ اس شعبے وابستہ رہے ، جس کے ذریعہ آپ کی قابلیت کے جوہر کھلے ، اس کے بعد عربی درجات کی تدریس اختیار اور اس شعبے میں بھی کامیاب و کامران رہے ۔