تعلیم کی ابتداء دار العلوم محمدیہ میل کھیڑلا راجستھان سے ہوئی ، یہاں ناظرہ قرآن کریم اور دینیات پڑھنے کے بعد فارسی اور عربی اول سے شرح جامی تک دار العلوم سبحانیہ فیروز پور جھرکہ میں تحصیل علم کیا ، بعدہ عربی پنجم پڑھنے کے لیے دار العلوم حسینیہ قصبہ تاؤلی یوپی میں داخلہ لے لیا اور ۲۰۰۳ء میں مشکوٰۃ اور دورہ حدیث شریف دارالعلوم وقف دیوبند میں پڑھنے کی سعادت میسر آئی ۔ مدرسہ افضل العلوم عیدگاہ مہوں آپ کی تدریس کا پہلا تجربہ رہا، سال بھر وہاں رہنے کے بعد معدن العلوم جھمراوٹ میں تشریف لے آئے اور آج تک یہیں ہیں ۔ آپ بانی مدرسہ حضرت مولانا محمد الیاس صاحب کے داماد ہوتے ہیں ، ہدایۃ النحو جیسی اہم کتابیں آپ کے زیر تدریس ہیں ۔