ابتدائی دینی تعلیم مکتب میں حاصل کی، حفظِ قرآن کریم کی تکمیل مدرسہ شیخ قاسم ٹوڈی ابراہیم باس ضلع نوح میوات میں کی۔ علم تجوید و قرأت دار العلوم محمدیہ میل کھیڑلا میں حاصل کیا۔ عربی زبان و علوم کی تعلیم فارسی سے عربی ششم تک معدن العلوم جھمراوٹ میں حاصل کی، عربی ہفتم اور دورۂ حدیث دارالعلوم دیوبند میں پڑھ کر ۲۰۲۲ء میں فراغت پائی۔ عربی ادب میں تخصص مظاہر علوم سہارنپور سے کیا۔ جبکہ فتاویٰ نویسی اور افتاء کی تعلیم "المہد العالی الاسلامی، حیدرآباد" میں حاصل کی۔ آپ نے باضابطہ قضاء سے متعلق عملی تجربہ دارالقضاء، عمارتِ شریعت، پٹنہ بہار میں حاصل کیا۔ تمام علوم سے فراغت کے بعد معدن العلوم جھمراوٹ میں تدریس کے مشغلہ سے وابستہ ہوگیے، آپ کی تدریس کا یہ (۲۰۲۵) پہلا سال ہے ، آپ ذی استعداد فاضل ہیں ، تمام ہی اساتذہ کا آپ پر اعتماد و اعتبار ہے اسی اعتماد کی بدولت تدریس کے لیے آپ کا تقرر عمل میں آیا ۔