ابتدائی تعلیم گاؤں کے مکتب میں حاصل کرنے کے بعد حفظ قرآن کریم کے لیے باب العلوم جعفر آباد دہلی میں داخلہ لیا ، یہیں سے حفظ قرآن کریم کی تکمیل و فراغت کی، بعدہ عربی تعلیم کے لیے دار العلوم محمدیہ میل کھیڑلا راجستھان کی علم پرور فضا میں علمی تشنگی کو بجھایا، یہاں عربی اول و عربی دوم کی کتابیں پڑھیں ، اس کے بعد مدرسہ نصرۃ الاسلام قصبہ مبارک پور ضلع الور راجستھان میں دو سال تعلیم و تربیت سے سیرابی حاصل کرنے میں مصروف رہے، یہاں سے مدرسہ خادم العلوم باغوں والی ضلع مظفر نگر یوپی چلے گیے ، وہاں عربی پنجم و مشکوٰۃ پڑھ کر دار العلوم وقف دیوبند سے ۲۰۱۲ء میں فراغت حاصل کی ، اس کے بعد افتاء کی تکمیل جامعہ اسلامیہ جامع مسجد امروہہ یوپی سے کی ۔ فراغت کے بعد تدریس کا آغاز مدرسہ الیاسیہ کھیڑا بانسولی راجستھان سے کیا ، ایک سال عربی درجات کی کتابیں پڑھائیں ، بعدہ ۲۰۱۴ء میں معدن العلوم جھمراوٹ سے تدریسی وابستگی اختیار کی جو تا دم تحریر جاری ہے ۔ سال رواں (۲۰۲۵ءمیں) ہدایہ ، السراجی فی المیراث ، مختصر المعانی ، سلم العلوم ، کافیہ وغیرہ کتابیں زیر تدریس ہیں ۔ آپ بھی شرعی مجلس علاقہ میوات کے رکن ہیں ۔ آپ دوماہی مجلہ رہنمائے میوات کے مدیر تحریر بھی ہیں ، شاعر و قلم کار کے طور پر آپ کی شناخت زیادہ ہے ۔