تعلیم کی ابتداء اپنے گاؤں سنگار سے کی ، مدرسہ نصرۃ القرآن جوگابائی، اوکھلا، دہلی میں حفظ قرآن کریم کی تکمیل کی ، فارسی، عربی اول اور عربی دوم جامعہ محمود المدارس مسوری، غازی آباد یوپی میں حاصل کی ، اس کے بعد آپ نے دارالعلوم دیوبند میں داخلہ امتحان کامیابی حاصل کر کے داخلہ درج کرایا اور عربی سوم سے دورۂ حدیث تک دارالعلوم دیوبند میں تحصیل علم سے فیض یاب ہونے کا شرف حاصل کیا، آپ کی فراغت کا سن ۱۴۳۲ھ / ۲۰۱۱ء ہے ، سالانہ امتحان اعلی نمبرات سے کامیابی حاصل کی جس کے نتیجے میں تکمیلِ افتاء کے لیے دارالعلوم ہی میں آپ کا انتخاب عمل میں آیا ۔ فراغت کے بعد ۲۰۱۴ء سے تا حال جامعہ معدن العلوم جھمراوٹ میوات ہریانہ میں تدریس سے وابستہ ہیں ۔ آپ ایک باصلاحیت مفتی ہیں ، مسائل فقہیہ پر آپ کو خاصا عبور حاصل ہے ۔ شرعی مجلس علاقہ میوات رکن رکین ہیں ، مشکوٰۃ المصابیح ، شرحِ عقائد ، ہدایہ جیسی کتابیں آپ کے زیر درس ہیں ، بڑی خوبیوں کے مالک ہیں ، خدا سلامت رکھے آمین